عن الكتاب في هذا الكتاب أنت النجم التلفزيوني الذي يتم توجيه الأسئلة إليه.. لكنها أسئلة عنك أنت من نفسك وعن نفسك، أسئلة ربما لم تخطر على بالك من قبل. "سرك في بير" هو كتاب تنمية ذات ليساعدك على مواجهة الحياة بشكل أكثر ثباتًا. يحتوي الكتاب على مقالات قصيرة ورسائل ربما كلمة فيها سوف تغير منظورك أو بعض رسائله سوف تساعدك على استشراق مستقبل أكثر جمالاً.. الكاتب كتب مشابهة تقييمات ومراجعات سرك في بير 0 1 مراجعات الأعضاء بيانات المراجعه أحدث المراجعات أحدث الإقتباسات القراء لا يوجد قراء في الوقت الحالي
– بس في حاجة كده مكسوف أقولها. – إيه هي يا عم برعي قول ما تنكسفش. – يعني الجلابية دي غالية قوي وهدية من أخويا وأنا خايف يحصلها حاجة حد يرمي عليها حاجة تتوسخ عقب سيجارة يوقع عليها تتحرق حاجات زي كده. – ما تخافش يا عم برعي أنا حاحطها في جوة عيني وإن شاء الله ترجع لك سليمة. – حيث كده توكلنا على الله. – يا ريت يا عم برعي الموضوع ده يفضل بيننا علشان مش حلوة قدام أهل العروسة يعرفوا ان العريس لابس جلابية مش بتاعته ومستلفها من جاره. – وده كلام يا سعيد؟ مش عيب برضة؟ هو أنا عيل علشان أقول لحد اعتبر ان الموضوع ده بيني وبينك وسرك في بير. – ربنا يخليك حيث كده بالاذن بقى. خرج سعيد من الباب وصادف عم حنفي البقال داخلاً إلى بيت برعي سلّم عليه وذهب في طريقه دخل حنفي إلى بيت برعي وبعد أن تبادلا السلام والتحيات سأل حنفي: – هو سعيد كان بيعمل إيه هنا؟ – والله حاقولك بس الموضوع يفضل بيننا ما تقولش لحد. – سرك في بير يا خويا. – سعيد استلف جلابيتي الجديدة علشان الفرح. – يا سلام شهم يا برعي راجل من ظهر راجل. – الله يخليك يا حنفي بس زي ما قلت الموضوع يظل بينا احنا الاثنين. خرج حنفي البقال وذهب إلى دكانه حيث جاء جاره عبدالفتاح الخياط وقال له: – إيه يا حنفي طولت القعدة عند برعي فيه حاجة.