طبعاً بعد كل أماكن الأكل دي هتحتاج تروح "جولدز جيم " في كونكورد بلازا.
ويقع بالقرب من الجامعة الأمريكية في شارع التسعين.
ايه تاني في كايروفيستيفال غير المول ؟ باقي 3 أماكن بس قبلهم ماتنساش إن المول فيه فرع كبير لكارفور ، وأماكن تانية حواليه تقدر تدلّع فيها الموبايل أو اللاب توب. أما لو محتاج أي حاجة تخص الأثاث أو اللأكسيسوريز بتاعته، فهتلاقي برا المول فرع ( أيكيا) كبير، وقريب منه هتلاقي ( كيدزانيا)، ودا عبارة عن مكان مخصص للأطفال يلعبوا فيه أو بالأدق يشتغلوا فيه بس بشكل آمن وفي بيئة واقعية. وأخيراً "النافورة الراقصة"، والنافورة دي حواليها مدرج كدا شبه الاستاد وعدد كبير من المطاعم والكافيهات اللي تقدر تقعد فيها في الهواء الطلق وانت بتشوف النافورة وبتسمع مزيكا. دليل مولات شارع التسعين(شارع التسعين الشمالى - شارع التسعين الجنوبى)القاهرة الجديدة التجمع الخامس. في مولات تانية في التجمع الخامس بس غالب عليها الأكل أكتر من الشوبنج، زي ايه؟ داون تاون مول القطعة A ، شارع التسعين ، التجمع الخامس ، ودا أكل كتير شوبنج خفيف، والأهم انك هتتبسط لو صحيت بدري فطرت في فرع (PAUL) اللي هناك كونكورد بلازا في شارع التسعين (محور الحرية). وأشهر مكان فيه هو " باب توما " ودا مطعم وكافيه لبناني، أكله لذيذ وأحسن وقت تروحه فيه هو بالليل. امريكانا بلازا ودا كمان في شارع التسعين ، قدام الجامعة الأمريكية ، المكان دا لو ليك في السمك، ننصحك تروح ( فيش ماركت) اللي هناك، ولو حبيت تشتغل أو تذاكر على خفيف في هناك ( كوستا كوفي) ودا يعتبر من أروق فروع كوستا في القاهرة.