اسكت يا لساني

اه سياسة فرق تسد ، ماهو من ساعة الانقلاب العسكري اللى سميناه ثورة والمجلس العسكري كل يوم عددوا بيزيد ، بالبلدي علشان لو حد فكر ولا عقله شاوره انه يعمل زي الانقلاب ده تاني ميعرفش ( ويبقى مبيعرفش! ) وميقدرش لانه مش بيملك الا شوية قلييلين من التركة ( جيش مصر)!! طنطاوي ( الحاكم العسكري – لقوات الاحتلال الحالي للبلاد المصرية) فاهم الدنيا غلط لانه سيناريو 54 استحالة هنسمح انه يتكرر تاني!! طبعا احنا لايمكن كنا هنسمح انه جمال يورث الحكم ، وكمان المجلس الموقر ( راعي السجون العسكرية في مصر) مكنش هيسمح بده ، لانه باختصار شايف ان مصر بتاعته من زمان ، ( محمد نجيب – اللى عبد الناصر حجمة جوه بيته!! اسكت يا لساني .. كلام ماينفعش يتقال غير من ياسمين عبد العزيز - YouTube. – ، وبعده عبد الناصر ، واللى بعده السادات – كلب السلام – ، ومن بعدهم اللى خربها - البقرة الضاحكة – صاحب السرير والقفص) فبتاع ايه ييجي ( اسم الله عليه) جمال دلوعة ماما اللى عمرة ما لبس البدلة الميري يحكم مصر ، ما هي بتاعتهم بقى بيقسموا!! وده عند امه يا أدهم ولا جمال ولا الجيش.. والله تعبنا ماهو احنا لنبقى عبيد نتورث ، يا اما اسري حرب لسعادة المجلس!!!! المجلس اللى في كام يوم حاكم 12000 واحد من الشعب المصري عسكريا ، في حين ان مبارك وجمال وعلاء والعدلي وغيييييييره وغيييييييييييره مواطنين مدنيين!!