ضحك بشدة علي حبيبته وغيرتها.. -"أرَاك عليّ أقْسي النّاسِ قَلبًا ولي حالٌ ترقّ لهُ القلوبُ.. " =وبعدين يعني انت فاكر لما تقولي شعر يعني هنتصالح لا خالص كان فيه منه وخلص. -يشيخة الله يهديكي بقالي ساعتين بصالح فيكي ، اسف يا شهد والله اتأخرت غصب عني ومعرفتش اكلمك اقولك اني هتأخر اخر مرة متزعلش. =ماشي يا حمزة مش هزعل ، يلا قولي شعر بقي. ضحك بشدة وابتسم ونظر لها هاتفًا بعشق صادق - "وأنتِ أروعُ خلقِ اللهِ في نظري وأنتِ عشقي بإعلاني وإسراري" -شهد فين القميص الابيض. =انهي قميص ابيض ؟ تقصد اللي اشتريته الاسبوع اللي فات دا؟ -ايوة.. = اللي جربته قدامي علي بنطلون اسود وكنت زي القمر دا ؟ -ايوة هو فين بقي؟ =معرفش. -شهد فين القميص انا متأخر!. =اااصلل.. انااا يعني -شهد اخلصي! = بص كدا انا قطعته. وطلعت تجري منه. روايات رونا فؤاد. -قطعتي القميص انتي اتهبلتي يبنتي، حد يعمل كدا؟ =ايوة قطعته ما انت اللي حلو في الهدوم كلها وكنت حلو بزيادة في القميص دا اعمل اي يعني، انت اصلا مش بتشوف البنات عندك في الجامعة بيبصوا عليك ازاي. -هتجيبي اجلي انا عارف اوعي من قدامي يشيخة. =الاه.. ماله دا هو زعل ليه ؟ -الشاي وصل اقفل الكتاب دا بقي واشرب بمزاج.
=يبنتي انا قلت عاوز قهوة تعملي شاي لي؟ -هو كدا انا بحب الشاي فتشرب معايا شاي. =وانا بحبك يا شهدي. -الشاي برد اشرب بسرعة. =اربع سنين ولسه كل ما اقولك بحبك تتكسفي وتغيري الموضوع زي اول مرة بالظبط. -انا عاوز افهم انتي متشعلقة في النجفة بتعملي اي دلوقتي؟ =بنضفها يا ناصح. -بتنضفي النجفة بمتر ونص؟ بقالي ساعة بقولك انزلي واعملك اللي انتي عوزاه وانتي مش راضيه، دا غير ان النجفة دي انتي كنتي متشقلة فيها الاسبوع اللي فات. -مالهم المتر ونص يا عامود النور انت، هاا ؟ وبعدين امسك الكرسي كويس بدل ما اتقلب ، اهلا اهلا بالعيد. ضحك بقوة علي حبيبته ومرحها الذي يعشقه.. =يبنتي عيد اي دلوقتي لسه بعد باقي يومين. -ششش مرحب مرحب بالعيد، يا عدو الفرحة انت مش هتفرق كتير كدا كدا العيد جاي لازم نفرح كدا. ="إن كان للناسِ عيدٌ يفرحونَ به يا نورَ عيني فعيدي يومَ ألقاكِ" -انت متأكد من الكلام دا؟ احلف كدا!. ضحك بقوة.. =وحياة شهد. -حمزة لو سمحت ممكن بعد اذنك نتكلم شوية. =لو سمحت بعد اذنك في جملة واحدة؟ مش مرتاحلك كدا؟ -لي يعني انا اصلا طول عمري خجولة كدا ونسمة. فاكر لما تقولي هسيبك كلمات. =ما هو خجولة ماشي معاكي مش هنختلف فيها، لكن مين نسمة دي!. -يووه اسمعني بس هطلب طلب.